यशको फ्यान उज्वल कुल्कर्नी जो बने उनकै फिल्ममा कान्छा सम्पादक

मुम्बई - उज्वल कुल्कर्नी पछिल्लो समय फिल्म ‘के.जी.एफ च्याप्टर-२’ सम्पादन गरेका कारण चर्चामा रहेका छन् । तर, फिल्मको सम्पादन गरेका कारण मात्र उनी चर्चामा छैनन्, उनी सम्पादकका रुपमा फिल्ममा आवद्ध हुनुको यात्रा पनि चर्चामा छ ।

२० वर्षिय कुल्कर्नी, सर्ट फिल्म तथा फ्यान इडिट भिडियोहरु सम्पादन गर्ने गर्थे । कलाकार बन्न चाहेका आफ्ना दाजुको फोटो तथा भिडियोहरु सम्पादन गर्ने क्रममा उनलाइ बिस्तारै उनलाई सम्पादनको काममा रस बस्दै गयो ।

---

के.जी.एफ’का निर्देशक प्रशान्थ निलले उनको कामबाट प्रभावित भएर उनलाइ के.जी.एफ च्याप्टर-१ को टिजर बनाउन लगाए । सो टिजर पश्चात निर्देशक प्रशान्तले उनलाइ  फिल्मको च्याप्टर-२ को सम्पादन पुर्णरुपमा उनको हातमा सुम्पिदिए ।

उनी आफ्ना साथीहरुको सल्लाह बमोजीम बेङ्गलुरु आए र सुपरहिट कन्नड चलचित्र ‘मुफ्ति’मा सम्पादक हरिश कोमेसँग सहायक-सम्पादक भएर काम गरे। त्यही समयमा उनले पहिलो चलचित्र ‘केजीएफ’का क्लिपहरु सम्पादन गर्न थाले ।

फ्यान मेड ‘केजीएफ’का ती दृश्य कसो कसो प्रशान्त निलले हेर्न पुगे र उनको सम्पादन क्षमता देखेर प्रभावित भए । उनले सम्पादन गरेका सोही भिडियोहरु देखेर निर्देशक निलले उनीसँग सम्पर्क गरे र अन्तर्वार्ताका लागि बोलाए ।

फिल्मको टेक्निकल टिममा सबैभन्दा कान्छा उज्वल, रकिङ्स्टार यश र निर्देशक प्रशान्थ निलसँग काम गर्न पाउदा आफ्नो सपना साकार भएको र उहाँहरुबाट ‘आफ्नो काम कसरी योजनाबद्ध धैर्यताका साथ गर्ने’भन्ने कुराहरु सिकेको बताउँछन्।

यस लगत्तै उनी निर्देशक प्रशान्थ निलको प्रभास स्टारर चलचित्र ‘सलार’मा सम्पादकका रुपमा पनि काम गरिरहेका छन् ।