अनुप र आनाको ‘मायाको माया’मा थपिए राजेश हमाल

काठमाडौँ - अनुपविक्रम शाही र आना शर्मा पहिले नै अनुबन्ध भएको ‘मायाको माया’मा अभिनेता राजेश हमाल पनि जोडिएका छन् । हमालले दुई दिनअघि मात्र यो फिल्मसँग सम्झौता गरेका हुन् । 

रोहित करण वैद्यको निर्देशन रहने फिल्मको केही दिनअघि कार्यविनायकमा मुहूर्त गरिएको थियो । अनुपविक्रम इन्स्टा स्टोरीमा पूजा गरेको फोटो राख्दै ‘मायाको माया’मा काम गर्न लागेको जानकारी गराएका थिए । 

---

थोरै कलाकार राखेर काम गर्न लागेको फिल्म अंग्रेजी भाषामा बन्ने चर्चा छ । निर्माण टिमले पहिले राजेश हमालले गरेको भूमिकाका लागि सौगात मल्ललाई पनि प्रस्ताव गरेको थियो । तर सौगात मल्लसँग पारिश्रमिकमा कुरा नमिलेपछि निर्माण टिमले राजेश हमाललाई मनाएको हो ।