ओलीले भाषण गर्ने बेला दाहाल र नेपाल उठेर हिँडे

काठमाडौँ - एमाले अध्यक्ष केपी ओलीले सम्बोधन नसक्दै माओवादी केन्द्रका अध्यक्ष पुष्पकमल दाहाल र एकीकृत समाजवादीका अध्यक्ष माधवकुमार नेपालले मञ्च छाडेका छन् । 

नेपाली कांग्रेसको १४औं महाधिवेशनमा शुभकामना दिने क्रममा ओली ड्यासमा पुग्दा दाहाल र नेपाल आफ्नो सोफामा थिएनन् । ओली महाधिवेशनको उद्घाटन सुरु भएपछि केही ढिला गरी आएका थिए । तर, उनी दाहाल र नेपाल लहरैको सोफामा बसेनन् । 

---

उनी प्रधानमन्त्री शेरबहादुर देउवाभन्दा पल्लोपट्टि गए, जहाँ नेता रामचन्द्र पौडेल बसेका थिए । पौडेल सोफाबाट उठेपछि ओली बसेका थिए । ओलीले दाहाल र नेपालको भाषण सुने पनि ओलीले भाषण गर्न थालेपछि दाहाल र नेपाल पहिले नै उठेर हिँडेका थिए ।