लिङ्देनलाई ओलीले भने- भर्खर भर्खर जन्मेको बाच्छो हिड्न जान्दैन, बढी कुद्छ

काठमाडौँ - नेकपा एमालेका अध्यक्ष केपीशर्मा ओलीले राप्रपाका अध्यक्ष राजेन्द्र लिङ्देनप्रति लक्षित गर्दै भर्खर जन्मेको बाच्छो हिड्न नजान्ने बताएका छन् । 

कांग्रेस उद्घाटनसत्रमा लिङ्देनले गाउँघरमा नेता आयो भने 'चोर आयो भन्छ' भन्ने अभिव्यक्तिको जवाफ दिँदै ओलीले भर्खर–भर्खर जन्मेको बाछो हिड्न जान्दैन भन्दै कटाक्ष गरेका हुन् । 

---

 लिङ्देनले राजतन्त्र फर्काउनु पर्ने भाषण गरेका थिए । ओलीले भने, 'नागरिकबाट कोही नेता जन्मदैन । हरेक नेता चोर हुन्छ भन्ने ? यस्ता कुरा बोकेर हिड्ने ?  भर्खर–भर्खर अध्यक्षमा छानिएको रापताप होला साथीहरुलाई । भर्खर–भर्खरको बाच्छो हिँड्न जान्दैन, बढी कुद्छ,' । 

लिङ्देन केही दिन अगाडि राप्रपा अध्यक्षमा निर्वाचित भएका हुन् ।