सेयर बजारमा दोहोरो अंकको सुधार

काठमाडौँ- सेयर बजार परिसूचक साताको चौथो कारोबारमा सुधार देखिएको छ। आज सेयर बजार परिसूचक ११ अंकले बढेको हो । साताको पहिलो कारोबारमा बढेको बजार सोमबार र मंगलबार भने घटेको थियो ।

बुधबार बजार  परिसूचक ११.३६ अंक बढेर १८६६.५२ मा उक्लिएको छ। त्यस्तै 'क' वर्गका कम्पनीहरूको मापक सेन्सेटिभ इन्डेक्स २.८४ अंकले बढेर ३६६.११ मा उक्लिएको छ। 

---

मंगलबारको तुलनामा कारोबार रकममा सामान्य बढोत्तरी भएको छ। आज २२३ कम्पनीको ६९ करोड १७ लाख ३७ हजार ८ सय ९४ रुपैयाँ बराबरको सेयर खरिद बिक्री भएको छ। २० लाख ८५ हजार २ सय ८४ कित्ता सेयर १४ हजार १ सय ८६ पटकमा खरिद बिक्री भएको छ।

उप-समूहतर्फ व्यापार र म्युचुअल फण्ड समूह सामान्य घट्दा बाँकी समूहको सेयर मूल्य उकालो लागेको छ। बढ्दो बजारमा १ सय ४० कम्पनीको सेयर मूल्य बढ्दा ३९ कम्पनीको सेयर घटेको छ।

अभियान लघुवित्त वित्तिय संस्था, महुली लघुवित्त, प्रोग्रेसिभ फाइनान्स, दिव्यश्वरी हाइड्रो, तथा जोशी हाइड्रो डेभलपमेन्ट कम्पनी लगायतको सेयर उच्च कमाउनेमा परेका छन।