इसेवाको प्रादेशिक कार्यालय अब मधेश प्रदेशमा

काठमाडौं – नेपालको पहिलो र अग्रणी भुक्तानी सेवा प्रदायक इसेवाले मधेश प्रदेशको जनकपुरधाममा आफ्नो प्रादेशिक कार्यालय सञ्चालनमा ल्याएको छ । योसँगै इसेवाले हरेक प्रदेशमा आफ्ना क्षेत्रीय कार्यालय स्थापना गर्न सफल भएको छ । 

इसेवाले आफ्ना सेवा र सुविधालाई अझ सुविधापूर्ण र सरल बनाएर अगाडि बढ्ने उदेश्यका साथ क्षेत्रीय कार्यालय विस्तार गरेको बताइएको छ । 

---

जनकपुर उपमहानगरपालिका उपमेयर किशोरी शाह र  इसेवाका प्रमुख कार्यकारी अधिकृत जगदिश खड्काले जनकपुरको मिल्स् एरियामा उक्त कार्यालयको संयुक्त रूपमा उद्घाटन  गरेका छन् । योसँगै दुई नम्बर प्रदेशका ग्राहक तथा एजेन्टहरूले इसेवाका सम्पूर्ण सेवा तथा सुविधा प्रादेशिक कार्यालय मार्फत सहज ढंगले प्रयोग गर्न पाउन बताइएको छ ।

देशभर एक लाख ६५ हजार  भन्दा बढि एजेन्ट (इसेवा जोन तथा पोइन्ट) रहेको इसेवाबाट प्रत्यक्ष, अप्रत्यक्ष रुपमा करिब एक करोड ७० लाख जनसंख्याले सेवा लिइरहेको बताइएको छ ।