नेशनल लाइफ इन्स्योरेन्सको क्रुज डिनर एट नारायणी रिभर कार्यक्रम सम्पन्न

काठमाडौं– नेशनल लाइफ इन्स्योरेन्स कम्पनी लिमिटेडले आफ्ना अभिकर्ताहरूको लागि ३ दिन २ रात को ‘क्रुज डिनर एट नारायणी रिभर कार्यक्रम’ सम्पन्न गरेको छ ।

कम्पनीमा कार्य रत अभिवक्ताहरूका लागि २०७९ चैत्र महिनामा सञ्चालन गरेको अभिकर्ता मासिक योजना अन्तर्गत लक्ष्य पुरा गर्न सफल अभिकर्ताहरूलाई नेपालको पर्यटकीय क्षेत्र सौराहा भ्रमण गराउने र नारायणी नदीमा सञ्चालन गरिएको ‘क्रुज’को यात्रा गराउने उद्देश्यले कार्यक्रम आयोजना गरिएको बताइएको छ ।

---

कम्पनीका प्रमुख कार्यकारी अधिकृतसहित प्रदेश प्रमुख, विभागीय प्रमुख तथा विभिन्न शाखाका शाखा प्रमुखहरूसहित देशैभरीबाट उत्कृष्ट व्यवसाय गरी योजनामा छनौट भएका करिब चार सय जना वरिष्ठ अभिकर्ताहरूले कार्यक्रममा सहभागिता जनाएका थिए ।

प्रमुख कार्यकारी अधिकृत सुरेशप्रसाद खत्रीले उत्कृष्ट अभिकर्ताहरूको सम्मान समेत गरेका थिए ।

सो अवसरमा उपस्थित अभिकर्ताहरूलाई जीवन बीमा व्यवसायमा थप हौसला प्रदान गर्दै अभिकर्ताहरूको व्यावसायिक दक्षता अभिवृद्धि गर्ने उद्देश्यले प्रशिक्षक मनोज भट्टराईबाट उत्प्रेरणा तथा व्यक्तित्व विकास सम्बन्धी प्रशिक्षण प्रदान गरिएको थियो ।

खत्रीले अभिकर्ताहरूको अथक परिश्रम र मेहनतका कारण नै कम्पनी सधैं अब्बल रहने बताएका छन् । उनले अभिकर्ता सञ्जाललाई अझ व्यावसायिक बनाउन र वृत्ति विकासलाई सधैं प्राथमिकतामा राख्ने उद्देश्यले कार्यक्रमको आयोजना गरिएको जानकारी गराए ।