स्वावलम्बन विकास केन्द्रको २९ औँ साधारणसभा सकियो

काठमाडौं : शुक्रबार स्वावलम्बन विकास केन्द्रको २९औं साधारणसभा सम्पन्न भएको छ । कोरोना महामारीका कारण केन्द्रले आफ्नो साधारण सभा अनलाईन माध्यमबाट सम्पन्न गरेको हो ।

सभाले उद्यमशीलता प्रवद्र्धन र पर्यावरण मैत्री गाउँ विकास गर्न पहल गर्ने लगायतका निर्णयहरु गरेको छ । सभामा केन्द्रका अध्यक्ष शंकर मान श्रेष्ठले केन्द्रको आर्थिक बर्ष २०७६।७७ को आय ब्यय विवरण तथा कार्य प्रगति विवरण सहितको प्रतिवेदन प्रस्तुत गरेका थिए ।

---

केन्द्रले गत आर्थिक बर्ष २०७६/७७मा लघुवित्त संस्थाका पदाधिकारी तथा कर्मचारीहरुको क्षमता तथा दक्षता अभिबृद्धि गर्न विभिन्न विषयमा ७ वटा तालिम, २० वटा गोष्ठि तथा अन्तर्राष्ट्रिय स्तरमा लघुवित्तमा भएका नयाँ-नयाँ कार्य प्रणाली वारे जानकारी गराउन ६ वटा अन्तर्राषि्ट्रय अध्ययन अवलोकन भ्रमणहरुको आयोजना गरेको थियो । जसबाट विभिन्न लभुवित्त संस्थाका ८८० जना पदाधिकारी तथा कर्मचारीहरु लाभान्भित भएका थिए ।

श्रेष्ठले आर्थिक बर्ष २०७६।७७मा 'स्वच्छ लघुवित्त हाम्रो अभियान'को सन्देश गाउँ स्तर सम्म पुर्‍याउन सुदुरपशि्चम प्रदेश र लुम्बिनी प्रदेशमा प्रदेश स्तरीय लघुवित्त सदस्य सम्मेलन सम्पन्न गरेको र जसमा २०९ महिला र ५७ जना पुरुष गरी २६६ जना सहभागी रहेको तथ्य प्रस्तुत गरेका थियो । यसैगरी केन्द्रले दुईवटा कार्य विवरण र तीनवटा अध्ययन प्रतिवेदन तयार गरेको जानकारी दिए ।

प्रतिवेदन प्रस्तुतीका क्रममा अध्यक्ष शंकरमान श्रेष्ठले आगामी दिनमा गरीब, विपन्न तथा पिछडीएका समुदाय र महिलाहरुको जीवनस्तर उकास्न लघुवित्त संस्थाहरु मार्फत पहल गर्ने बताए ।