ज्योति विकास बैंकद्वारा फर्निसिङ उद्यमी तथा व्यवसायीलाई विशेष छुट

काठमाडौँ : ज्योति विकास बैंकले फर्निसिङ उद्यमी तथा व्यवसायीलाई विशेष छुटमा बैंकिङ सेवा दिने भएको छ । नेपाल फर्निचर तथा फर्निसिङ्ग उद्यमी तथा उद्यमी महासंघबीच व्यवसायी र संस्थामा कार्यरत कर्मचारीलाई विभिन्न बैँकिङ सेवा प्रदान गराउने सम्बन्धमा सम्झौता भएको हो ।

महासंघमा आबद्ध व्यवसायी र संस्थामा कार्यरत कर्मचारीलाई उक्त सेवा प्रदान गर्ने विषयमा बैँकका र महासंघबिच सम्झौता भएको हो । सम्झौतापत्रमा  बैंकका तर्फबाट प्रमुख कार्यकारी अधिकृत श्रीचन्द्र भट्ट र र महासंघका तर्फबाट महासचिव ओम बहादुर बस्नेतले हस्ताक्षर गरेका थिए ।

बैंकले महासंघमा आबद्ध व्यवसायी तथा कार्यरत कर्मचारीलाई विशेष छुटमा प्रोफेसनल लोन, कर्जा सेवाहरु र सहज वित्तिय सेवाहरू प्रदान गर्ने सम्झौतामा उल्लेख छ । ‘बैंकले महासंघ अन्तर्गतका व्यवसायीलाई डिजिटल बैंकिंग सेवाप्रदान गर्ने र सहजै सुचारु गरि व्यवसायमा लागू गर्न पनि सहयोग सम्झौतामा भनिएको छ, ‘व्यवसायीले डिजिटल भुक्तानीका सेवा आफ्नो व्यवसायमा भित्र्याई आफ्नो ग्राहकलाई थप सुविधा उपलब्ध गराउन सक्नेछन् ।’
 

---