ट्राफिक महाशाखालाई नाडाले दियो जनचेतनामूलक सामग्री

काठमाडौँ – नेपाल अटोमोबाइल्स् डिलर्स एसोसिएसन (नाडा)ले महानगरीय ट्राफिक प्रहरी महाशाखालाई सडक सचेतनासम्बन्धी सामग्री हस्तान्तरण गरेको छ ।शुक्रबार एक कार्यक्रमबिच नाडाले महाशाखालाई ती सामग्री हस्तान्तरण गरेको हो । 

त्रिपुरेश्वर चोकमा आयोजित कार्यक्रममा नाडा अध्यक्ष कृष्ण दुलालले महाशाखाका प्रहरी उपरीक्षक सञ्जीव शर्मालाई ती सामग्री हस्तान्तरण गरेका हुन् । हस्तान्तरण गरिएका सामग्रीमा १० हजार थान नो हर्न स्टीकर, ५ हजार थान कोभिड–१९ विरुद्ध प्रयोग गर्ने मास्क, २ सय थान  ‘तपाईंको मास्क खोइ ?’ लेखिएको ब्यानर र २ सय थान ‘ट्राफिक नियमको पालना गरौं’ लेखिएको ब्यानर रहेको नाडाले जनाएको छ । 

---

कार्यक्रममा सार्वजनिक सवारीसाधन चालकहरूलाई पनि  जनचेतनामूलक स्टिकर तथा पर्चा बाँडिएको थियो । कार्यक्रममा नाडाका महासचिव सुनिल रिजाल, सचिव अनुप बराल, कोषाध्यक्ष सुरेन्द्र उप्रेती, सहकोषाध्यक्ष विक्रम सिंहानिया, केन्द्रीय कार्यसमिति सदस्यहरू राजनबाबु श्रेष्ठ, दीपक अग्रवाल, सुरज भट्टराई, नीलमणि पाठक, पंकज अग्रवाल, प्रकाश कपुरी र कपिल शिवाकोटी तथा महाशाखाका प्रतिनिधिहरूको सहभागिता थियो । नाडाले आफ्नो सामाजिक उत्तरदायित्वअन्तर्गत यस्तो कार्यक्रम गर्दै आएको जनाएको छ ।