सेफ्टीले ल्यायो ट्याम्पन्स र महिनावारी कप

काठमाडौँः ज्यास्मिन हाइजिन प्रडक्ट्सले उत्पादन गरेको स्यानिटरी प्याड ब्राण्ड सेफ्टील महिनावारी कप र ट्याम्पन्स बजारमा ल्याएको छ । सेफ्टी स्यानिटरी प्याड्स सुलभ मुल्यमा विश्वस्तरीय गुणवत्ताका साथ बजारमा उपलब्ध रहेको कम्पनीले जनाएको छ ।

‘रेगुलर’ देखि अत्यन्त पातलो ‘अल्ट्रा’ प्याडहरु सम्मको यसका विभिन्न उत्पादनहरुमा अब महिनावारी कप र ट्याम्पन्स पनि थपिएको छ, जसले गर्दा महिलाहरुलाई उनीहरुको महिनावारीको दौरान धेरै विकल्पहरु र धेरै आराम दिने लक्ष्य लिएको सेफ्टीले जनाएको छ । सेफ्टी ट्याम्पन्समा महिनावारीको दौरान धेरै टिक्ने बताइएको छ । 

---

यसैगरी सेफ्टी महिनावारी कप पुनः प्रयोग गर्न मिल्ने गरी बनाइएको छ र यो मेडिकल दर्जाको सिलिकनबाट बनेको कम्पनीले उल्लेख गरेको छ ।  महिनावारी कप प्रत्येक ४ देखि ८ घण्टाको बीचमा खाली गरी धोई फेरि लगाउन सकिने र दुवै ट्याम्पन्स र महिनावारी कप यात्रा गर्दा, व्यायाम गर्दा वा पौडी खेल्दाको समयमा पनि प्रयोग गर्न सकिने सेफ्टीद्वारा जारी विज्ञप्तिमा उल्लेख छ ।