प्रदेश-१ थपिए ९७ संक्रमित

विराटनगर  : पछिल्लो २४ घण्टाको अवधिमा प्रदेश-१ मा आज ९७ जना कोभिड-१९ संक्रमित थपिएका छन् । थपिएका सङ्क्रमितमा मोरङमा ५५ मध्ये विराटनगरमा १६ महिला र ३१ पुरुष छन् भने झापामा १२, सुनसरीमा २४, खोटाङमा एक र प्रदेश बाहिरका पाँच जना रहेका सामाजिक विकास मन्त्रालयले जनाएको छ । 

प्रदेश १ मा सङ्क्रमितको सङ्ख्या ३० हजार ७९९ पुगेको छ भने सङ्क्रमितमध्ये २९ हजार ९२३ जना सङ्क्रमण मुक्त भएको र सक्रिय सङ्क्रमितको सङ्ख्या ४०४ पुगेको छ ।

---

आज ५२८ जनाको पीसीआर परीक्षण गर्दा ३४ महिला ६३ पुरुषमा पोजेटिभ देखिएको मन्त्रालयले जनाएको छ । सोमबार विराटनगरमा १० महिला र १४ पुरुषमा कोरोना पोजेटिभ देखिएको थियो । (रासस)