थपिए १९१३ कोभिड-१९ संक्रमित, १५ जनाको मृत्यु

काठमाडौँ : पछिल्लो २४ घण्टामा कोभिड-१९ का एक हजार ९ सय १३ जनामा संक्रमित थपिएका छन् । यो सँगै नेपालमा कोभिड-१९ संक्रमितको संख्या दुई लाख ४ हजार २ सय ४२ पुगेको स्वास्थ्य तथा जनसंख्या मन्त्रालयले जनाएको छ । अहिले देशभर ३८ हजार ४ सय ६१ जना सक्रिय संक्रमित रहेको मन्त्रालयले जनाएको छ । 

पछिल्लो २४ घन्टामा १५ जना संक्रमितको मुत्यु भएको मन्त्रालयले जनाएको छ ।  यो सँगै नेपालमा कोभिड संक्रमणबाट मृत्यु हुनेको संख्या एक हजार १ सय ८९ पुगेको छ ।

---

मन्त्रालयका अनुसार बिहीबार दुई हजार २ सय ४९ जना संक्रमणमुक्त भएका छन् । योसँगै एक लाख ६४ हजार ५ सय ९२ जना संक्रमणमुक्त भएको मन्त्रालयले जनाएको छ ।

क्वारेन्टाइनमा रहेका व्यक्तिहरूको संख्या ९ सय ७४ रहेको र पछिल्लो २४ घण्टामा १० हजार २२ जनाको पीसीआर परीक्षण गरिएको छ ।