थपिए २१११ कोभिड-१९ संक्रमित

काठमाडौँः पछिल्लो २४ घण्टामा दुई हजार एक सय ११ जनामा कोभिड-१९ को संक्रमण पुष्टि भएको छ । १० हजार २२ जनाको पीसीआर परीक्षण गर्दा त्यति संख्यामा संक्रमण देखिएको हो । 

यो सँगै नेपालमा कोभिड संक्रमितको संख्या दुई लाख ६ हजार ३ सय ५३ पुगेको स्वास्थ्य तथा जनसंख्या मन्त्रालयले जनाएको छ । आज देशभर ३७ हजार २२ जना सक्रिय संक्रमित छन् ।

---

पछिल्लो २४ घन्टामा १३ जना कोभिड संक्रमितको मुत्यु भएको मन्त्रालयले जनाएको छ ।  योसँगै नेपालमा कोभिड संक्रमणबाट मृत्यु हुनेको संख्या एक हजार २ सय २ जना पुगेको छ ।

मन्त्रालयका अनुसार बिहीबार तीन हजार ५ सय ३७ जना संक्रमणमुक्त भएका छन् । योसँगै एक लाख ६८ हजार १ सय २९ जना संक्रमणमुक्त भएको मन्त्रालयले जनाएको छ । क्वारेन्टाइनमा नौ सय ८६ जना रहेको मन्त्रालयले जनाएको छ ।