उपत्यकामा थपिए १२०७ कोभिड-१९ संक्रमित

काठमाडौँ : पछिल्लो २४ घण्टामा काठमाडौँ उपत्यकामा एक हजार २ सय ७ कोभिड-१९  संक्रमित थपिएका छन् । जसमध्य काठमाडौंमा नौँ सय १९, भक्तपुरमा १ सय ८ र ललितपुरमा एक सय ८० जना नयाँ संक्रमित थपिएको स्वास्थ्य तथा जनसंख्या मन्त्रालयले जानकारी दिएको छ ।

थपिएकामध्ये पाँच सय २६ महिला र ६ सय ८१ पुरुष हुन् । हिजो उपत्यकामा नौ सय ७३ कोभिड संक्रमित थपिएका थिए । जसमध्ये काठमाडौंमा सात सय ६४, भक्तपुरमा ८३ र ललितपुरमा एक सय २६ जना नयाँ संक्रमित थपिएको स्वास्थ्य तथा जनसंख्या मन्त्रालयले जानकारी दिएको थियो ।

---