संसद् बैठकअघि सांसद र कर्मचारीको पीसीआर परीक्षण गरिने

काठमाडौँ : प्रतिनिधि सभाका सभामुख र राष्ट्रिय सभाका अध्यक्षसहित सबै सांसद र संसद् कर्मचारीको पीसीआर परीक्षण हुने भएको छ ।  प्रतिनिधि सभाको वैशाख २७ गते बस्ने बैठकअघि उनीहरूको पीसीआर परीक्षण गर्न स्वाब संकलन गरिने भएको हो ।

संघीय संसद सचिवालयले वैशाख २२ र २३ गते वानेश्वरस्थित संसद भवन परिसरमै सांसदहरूको स्वाब संकलन गरिने जनाएको छ। त्यस्तै २३ गते मर्यादापालक र सांसदका स्वकीय सचिवसहितको स्वाब संकलन गरिने छ । वैशाख २७ गते प्रतिनिधि सभाको विशेष अधिवेशन बस्‍दैछ । बैठकमा प्रधानमन्त्री केपी शर्मा ओलीले विश्वासको मत लिने  बताइएको छ । 

---