प्रदेश-१ मा थपिए ९०४ संक्रमित

विराटनगर : प्रदेश-१ मा मंगलबार ९०४ जना कोभिड-१९ संक्रमित थपिएका छन् । मंगलबार ५५ जना संक्रमणमुक्त भएका छन् । एक हजार ८ सय जनाको पीसीआर परीक्षण गर्दा त्यतीमात्रामा संक्रमण देखिएको हो । 

परीक्षण गरिएका मध्ये ४०१ महिला र ५०३ पुरुष रहेको प्रदेशको सामाजिक विकास मन्त्रालयले जनाएको छ । 

---

मन्त्रालयका अनुसार मंगलबार मोरङमा ४३१, झापामा २१४, सुनसरीमा १८०, धनकुटा र उदयपुरमा १८/१८, इलाममा ४, पाँचथर र भोजपुरमा २/२, ताप्लेजुङ, संखुवासभा र खोटाङमा १/१ र प्रदेश १ बाहिरका ३२ जनामा संक्रमण देखिएको छ । मोरङको विराटनगरमा मात्र १४६ महिला र १६१ पुरुष सहित ३०७ संक्रमित थपीएका छन् ।
 
योसँगै प्रदेशमासंक्रमितको संख्या ३९ हजार आठ सय २४ पुगेको छ । संक्रमित भएका मध्ये ३० हजार ३५९ संक्रमणमुक्त भएका छन् । सक्रिय संक्रमितको संख्या ८ हजार ८८२ पुगेको छ ।