धनगढी : कोभिडले श्रीमानको मृत्यु भएपछि अस्पतालमा कुरुवा बसेकी श्रीमतीले आत्महत्या गरेकी छिन् । जिल्ला प्रहरी कार्यालय डडल्धुराका अनुसार डडेल्धुरा अस्पतालमा उपचाररत बाजुराको खप्तड छेडेदह-७ का सुरेश कठायतको कोभिड-१९ संक्रमणबाट मृत्यु भएपछि उनकी श्रीमतीले आत्महत्या गरेकी हुन् । 

जिल्ला प्रहरी कार्यालयका प्रमुख प्रहरी नायव उपरीक्षक महेन्द्र नेपालले अस्पतालमा उपचारको क्रममा कठायतको मृत्यु भएको केही घण्टापछि उनकी श्रीमती सरिताले आत्महत्या गरेको जानकारी दिए । ‘श्रीमानको मृत्यु भएपछि उनकी श्रीमती सरिता अस्पतालबाट सम्पर्कविहिन भएकी थिइन्,’ प्रहरी नायव उपरीक्षक नेपालले भने, ‘अस्पताल नजिकैको जंगलमा आत्महत्या गरेको अवस्थामा उनी फेला परेकी छन् ।’

---

कठायतलाई कोभिड संक्रमण पुष्टि भएपछि बाजुराबाट थप उपचारका लागि जेठ २ गते डडेल्धुरा ल्याइएको थियो ।