थपिए १३८० कोभिड-१९ संक्रमित, १९ को मृत्यु

काठमाडौँ : पछिल्लो २४ घण्टामा एक हजार ३ सय ८० जनामा कोभिड-१९ को संक्रमण पुष्टि भएको छ । नौ हजार ३ सय ६८ जनाको पीसीआर परीक्षण गर्दा यती संख्यामा संक्रमण देखिएको हो । 

यो सँगै नेपालमा कोभिड संक्रमितको संख्या दुई लाख ३० हजार ७ सय २३ पुगेको स्वास्थ्य तथा जनसंख्या मन्त्रालयले जनाएको छ ।  मन्त्रालयका अनुसार शनिबार देशभर १८ हजार ८३ जना सक्रिय संक्रमित छन् ।

---

पछिल्लो २४ घन्टामा १९ जना कोभिड संक्रमितको मुत्यु भएको मन्त्रालयले जनाएको छ । शुक्रबार कोभिडबाट २३ जना संक्रमितको मृत्यु भएको थियो । योसँगै नेपालमा कोभिड संक्रमणबाट मृत्यु हुनेको संख्या एक हजार चार सय ५४ जना पुगेको छ ।

मन्त्रालयका अनुसार शनिवार पाँच सय १५ जना संक्रमणमुक्त भएका छन् । योसँगै दुई लाख ११ हजार १ सय ८६ जना संक्रमणमुक्त भएका छन् । 

हाल छ सय १८ जना क्‍वारेन्टाइनमा रहेको मन्त्रालयले जनाएको छ ।