कोभिड-१९ बाट थप २५ जनाको मृत्यु, १२५५ मा संक्रमण

काठमाडौँ : पछिल्लो २४ घण्टामा कोभि‍ड-१९ संक्रमण भएका २५ विरामीको मृत्यु भएको छ । यो सँगै कोभिड संक्रमणबाट मृत्यु हुनेको संख्या एक हजार चार सय ७९ जना पुगेको छ । शनिबार कोभिडबाट १९ जना संक्रमितको मृत्यु भएको थियो ।

२४ घण्टामा एक हजार २ सय ५५ जनामा कोभिड-१९ को संक्रमण पुष्टि भएको छ । आठ हजार ८ जनाको पीसीआर परीक्षण गर्दा यती संख्यामा संक्रमण देखिएको हो । परीक्षणका क्रममा काठमाडौं उपत्यकामा ५ सय ४८ जनामा संक्रमण पुष्टि भएको स्वास्थ्य मन्त्रालयले जनाएको छ । यो संगै नेपालमा कोरोना संक्रमितको संख्या २ लाख ३१ हजार ९७८ पुगेको छ ।

---

आइतबार १४०४ जना कोभिडमुक्त भएका छन् ।  हालसम्म नेपालमा २ लाख १३ हजार ५९० जना निको भएका छन् । नेपालमा कोभिड निको हुने दर ९० दशमलव ६ रहेको मन्त्रालले जनाएको छ । 

नेपालमा हाल १७ हजार ९०९ जना आइशोलेशनमा छन् भने ६३२ जना क्‍वारेन्टाइनमा छन् । नेपालमा हालसम्म १७ लाख २७ हजार ८३६ वटा पीसीआर गरिएको छ ।