काठमाडौं : काठमाडौं स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ३ हजार १ सय ६७ जना नयाँ कोभिड-१९ संक्रमित थपिएका छन् ।

उपत्यकामा  १ हजार ७ सय ४६ जना नयाँ संक्रमित थपिएका छन् । जसमध्ये काठमाडौँमा १ हजार ४ सय ५१  भक्तपुर १ सय ४३ मा र ललितपुरमा १ सय ५२  जना नयाँ संक्रमित रहेका छन् ।

---

नेपालमा कुल संक्रमितको संख्या १ लाख २९ हजार ३०४ पुगेको छ । जसमध्य ३८ हजार ७ सय ३७ जना सक्रिय संक्रमित रहेको मन्त्रालयले जनाएको छ । अहिले संस्थागत आइसोलेसनमा १३ हजार २ सय ९९ जना र होम आइसोलेसनमा २५ हजार ४ सय ३८ जना कोभिड संक्रमित बसिरहेका छन् ।

त्यस्तै पछिल्लो २४ घण्टामा मात्र १ हजार ८ सय जना संक्रमणमुक्त भएका छन् । हालसम्म ८९ हजार ८ सय ४० संक्रमितमुक्त भएको प्रवक्ता गौतमले जानकारी दिए ।

त्यस्तै पछिल्लो २४ घण्टामा १२ जना कोभिड संक्रमितको मृत्यु भएको छ । योसँगै कोभिडबाट मृत्यु हुनेहरुको संख्या ७ सय २७ पुगेको छ ।