थप २ हजार ५ सय ६८ जनामा कोभिड संक्रमण, १८ जनाको मृत्यु

काठमाडौँ - नेपालमा आइतबार थप २ हजार ५ सय ६८ जनामा कोभिड संक्रमण पुष्टि भएको छ । देशभर गरिएको ८ हजार ४ सय २ पिसिआर परीक्षणका क्रममा १ हजार ९ सय ८१ र ४ हजार २ सय ३४ एन्टीजेन परीक्षणका क्रममा ५८७ जनामा संक्रमण पुष्टि भएको स्वास्थ्य मन्त्रालयले जनाएको छ । 

यो संगै नेपालमा संक्रमितको संख्या ७ लाख ५९ हजार ३०७ पुगेको छ । त्यस्तै कोभिडका कारण थप १८ जनाको मृत्यु भएको छ । हालसम्म नेपालमा ९ हजार ८ सय ७५ जनाले कोभिडका कारण ज्यान गुमाएमा छन् । 

---

त्यस्तै थप २ हजार २० संक्रमित निको हुँदा हालसम्म नेपालमा ६ लाख ५६ हजार १९७ जना संक्रमणमुक्त भएका छन् । हाल नेपालमा ३१ हजार २९८ सक्रिय संक्रमित आइसोलेसन र ३७५ जना क्वारेन्टाइनमा छन् ।