कोभिड-१९ बाट मृत्यु हुनेको संख्या १६०० नाघ्यो

काठमाडौँ : नेपालमा कोभिड-१९ बाट मृत्यु हुनेको संख्या एक हजार ६ सय नाघेको छ । सोमबार २० जनाको मृत्यु भएपछि त्यति संख्या पुगेको हो । स्वास्थ्य तथा जनसंख्या मन्त्रालयका अनुसार हालसम्म १ हजार ६ सय १४ जनाको कोभिडका कारण ज्यान गएको छ ।

पछिल्लो २४ घण्टामा एक हजार १४ जनामा संक्रमण पुष्टि भएको छ । देशका बिभिन्‍न स्थानमा गरिएको परिक्षणका क्रमममा थप १ हजार १४ जनामा कोरोना पुष्टि भएको मन्त्रालयले जनाएको छ । यो संगै नेपालमा कोरोना संक्रमितको संख्या दुई लाख ४१ हजार ९ सय ९५ पुगेको छ ।

---

त्यस्तै सोमबार १ हजार ६ सय २८ जना संक्रमणमुक्त भएका छन् । हालसम्म नेपालमा  दुई लाख २७ हजार ४३३ जना संक्रमणमुक्त्त भएका छन् ।

हाल आइसोलेसनमा १२ हजार ९ सय ४८ जना छन् भने ५ सय २७ जना क्‍वारेन्टाइनमा छन् । नेपालमा हालसम्म १७ लाख ९० हजार ७३९ वटा पीसीआर परीक्षण गरिएको मन्त्रालयले जनाएको छ ।