प्रदेश १ मा थपिए चार सय बढी कोभिड संक्रमित

काठमाडौँ - प्रदेश १ मा पछिल्लो २४ घण्टामा ४ सय ७९ जनामा कोभिड संक्रमण पुष्टि भएको छ । सो अवधिमा ७ सय ३९ जनाको पीसीआर परीक्षण गर्दा २ सय र एक हजार ४५ जनाको एन्टिजेन परीक्षण गर्दा २ सय ७९ मा संक्रमण पुष्टि भएको सामाजिक विकास मन्त्रालयले जनाएको छ ।

मन्त्रालयकाअनुसार पीसीआर परीक्षणका आधारमा मोरङमा ७३ मध्ये विराटनगरमा ३२, सुनसरीमा ६६, झापामा ४७, धनकुटामा सात, इलाममा चार, उदयपुरमा दुई र भोजपुरमा एक जनामा संक्रमण देखिएको छ । सोही अवधिमा प्रदेशमा शनिबार ७ सय ३६ जना कोभिड संक्रमणमुक्त भएका छन् ।

---

संक्रमणमुक्त हुनेमा ३ सय ४३ महिला र ३ सय ९३ पुरुष छन् । पछिल्लो २४ घण्टामा कोभिड संक्रमणबाट तीन महिलासहित १३ जनाको मृत्यु भएको मन्त्रालयले जनाएको छ ।