थपिए ७३६ कोभिड-१९ संक्रमित

काठमाडौँ : पछिल्लो २४ घण्टामा मुलुकभर  थप ७३६ जनामा कोभिड-१९ संक्रमण पुष्टि भएको छ । देशका ८० वटा प्रयोगशालामा गरिएको परिक्षणका क्रममा २९१ महिला र ४४५ पुरुष गरि ७३६ जनामा संक्रमण पुष्टि भएको स्वास्थ्य मन्त्रालयले जनाएको छ ।

काठमाडौं उपत्यकामा थप ३९१ जनामा कोभिड देखिएको छ । यो संगै नेपालमा कोरोना संक्रमितको संख्या २ लाख ५० हजार ९१६ पुगेको छ । 

---

त्यस्तै कोभिडका कारण थप १३ जनाको मृत्यु भएको छ । नेपालमा हालसम्म १७ सय ४३ जनाको ज्यान गएको छ । त्यस्तै थप ८४७ जना कोरोनामुक्त भएका छन् भने नेपालमा हालसम्म २ लाख ३८ हजार ५६९ जना कोरोनामुक्त भएको स्वास्थ्य मन्त्रालयका प्रवक्ता डा जागेश्वर गौतमले जानकारी दिए । 

नेपालमा हाल ९ हजार ७५७ जना आइसोलेसन छन् भने ४५२ जना क्‍वारेन्टाइनमा छन् । नेपालमा हालसम्म १८ लाख ४९ हजार १३६ वटा पीसीआर परीक्षाण गरिएको छ ।