थपिए कोभिड-१९ का ७१० स‌ंक्रमित

काठमाडौँ : पछिल्लो २४ घण्टामा मलुकभर थप ७१० जना कीभिड-१९ का संक्रमित थपिएका छन् । देशका विभिन्‍न ८० प्रयोगशालामा गरिएको परिक्षणमा थप ७१० जनामा  कोभिड देखिएको स्वास्थ्य तथा जनसंख्या मन्त्रालयले जनाएको छ । योसँगै नेपालमा कोभिड-१९ संक्रमितको संख्या २ लाख ५३ हजार १८४ पुगेको छ । 

पछिल्लो २४ घण्टामा कोभिड-१९ बाट  थप १२ जनाको मृत्यु भएको छ । योसँगै कोभिडका कारण नेपालमा एक हजार ७ सय ७७ जनाको मृत्यु भएको छ । 

---

शनिबार नेपालमा थप एक हजार एक सय ७५ जना कोभिडमुक्त भएका छन् । योसँगै नेपालमा कोभिडमुक्त हुनेको संख्या २ लाख ४२ हजार ५६७ पुगेको छ । 

नेपालमा अहिले ८ हजार ८४० जना आइसोलेसनमा छन् भने ४२१ जना क्‍वारेन्टाइनमा छन् । हालसम्म १८ लाख ६६ हजार २१० नमुना पीसीआर गरिएको मन्त्रालयले जनाएको छ ।