थपिए ४२१ संक्रमित

काठमाडौँ : पछिल्लो २४ घण्टामा मुलुकभर थप ४२१ जनामा कोभिड-१९ स‌क्रमण पुष्टि भएको छ । देशका विभिन्‍न स्थानमा गरिएको ५ हजार ८ सय परीक्षण गर्दा ४२१ जनामा संक्रमण देखिएको स्वास्थ्य तथा जनसंख्या मन्त्रालयका प्रवक्ता डा जागेश्‍वर गौतमले जानकारी दिए । 

त्यस्तै उपत्यकामा थप १९७ जनामा कोरोना पुष्टि भएको छ । मन्त्रालयका अनुसार काठमाडौंमा १६०, भक्तपुरमा ११ र ललितपुरमा २६ संक्रमित भेटिएका छन् । योसंगै नेपालमा कोरोना संक्रमितको संख्या २ लाख ६१ हजार ८५९ पुगेको छ । 

---

त्यस्तै थप ६३७ जना संक्रमण मुक्त भएका छन् । योसंगै नेपालमा कोभिडमुक्त हुनेको संख्या २ लाख ५४ हजार ४९४ पुगेको छ । 

नेपालमा कोभिडका कारण थप ८ जनाको मृत्यु भएको छ भने हालसम्म १८७८ जनाको कोभिडका कारण मृत्यु भएको प्रवक्ता गौतमले जानकारी दिए । 

मन्त्रालयका अनुसाार नेपालमा हाल ५ हजार ४८७ जना आइसोलेसनमा छन् भने ३६७ जना क्‍वारेन्टाइनमा छन् । हालसम्म १९ लाख ४८ हजार ५०२ पीसीआर गरिएको छ ।