यी हुन् कोभिड–१९को उच्च जोखिममा रहेका नौ जिल्ला

काठमाडौं– कोभिड–१९ को तेस्रो लहर सुरू भएसँगै नेपालमा पनि संक्रमणको त्रास बढेको छ । पछिल्लो सातादेखि कोभिड ग्राफले उचाईतिर लम्कँदै गरेकाले त्रास बढेको हो।

स्वास्थ्य तथा जनसंख्या मन्त्रालयकाअनुसार हाल देशभरका २ जिल्ला संञmमणमुक्त रहेको छ । मुगु र मुस्ताङमा संक्रमित छैनन् । अन्यमध्ये नौ जिल्ला उच्च् जोखिखमा रहेका छन् ।

---

मन्त्रालयकाअनुसार उपत्यकाका तीन वटै जिल्लासहित मोरङ, सुनसरी, चितवन, कास्की, बाँके र कैलाली उच्च जोखिममा रहेका छन् । ययी जिल्लाहरूमा संक्रमितको संख्यासमेत दिनहुँ बढ्दो छ । पछिल्ला तथ्यांकअनुसार यी जिल्लामा २ सय भन्दा बढी सक्रिय संक्रमित रहेका छन् ।

देशभर पछिल्लो २४ घन्टामा थप तीन हजार ७५ जनामा कोरोना संक्रमण पुष्टि भएको छ । यो बुधबारको तथ्यांक हो। मंगलबार देखिएको नयाँ संक्रमितभन्दा यो ६ सय ३१ ले बढी रहेको मन्त्रालयले जनाएको छ। । उपत्यकामा मात्रै एक हजार पाँच सय ३८ नयाँ संक्रमित थपिएका थिए ।

तथ्यांकअनुसार काठमाडौंमा एक हजार एक सय २८, ललितपुर दुई सय ३६ र भक्तपुरमा एक सय ३४ सक्रिय संक्रमित छन् । अन्य जिल्लामा पनि संक्रमितको संख्या बढ्दो छ । मन्त्रालयले संक्रमण दर रोक्न स्मार्ट लकडाउनको घोषणा गरिसकेको छ । स्वास्थ्य मापदण्ड अपनाई अत्यावश्यकबाहेक बाहिर ननिस्कन अनुरोध सरकारले गरेको छ । सार्वजनिक रुपमा भेला नगर्न र २५ जनाभन्दा बढी एकै ठाउँमा जम्मा नहुनसरकारले उर्दी जारी गरेको छ।