१२ हजार ३३८ जनामा कोभिड–१९ सङ्क्रमण पुष्टि

काठमाडौं–पछिल्लो २४ घण्टामा देशभर १२ हजारमा ३३८ जनामा कोभिड–१९ सङ्क्रमण पुष्टि भएको छ । स्वास्थ्य तथाजनसंख्या मन्त्रालयकाअनुसार २७ हजार ४८७ जनाको कोरोना परीक्षण गरिएको थियो । त्यस्तै पीसीआर विधिबाट १० हजार ५२ तथा एन्टिजेन विधिबाट २२८६ जनामा सङ्क्रमण पुष्टि भएको हो ।

योसँगै सक्रिय सङ्क्रमितको संख्या ५७ हजार ३२८ पुगेको छ । यही अवधिमा थप ६४९ जना सङ्क्रमणमुक्त भएको मन्त्रालयले जनाएको छ। 
त्यस्तै, पछिल्लो २४ घण्टामा थप ४ जना कोभिड–१९ सङ्क्रमितको मृत्यु भएको छ । 
 

---