कोभिडका कारण ६ को मृत्यु, ५७० संक्रमित थपिए

काठमाडौँ - स्वास्थ्य तथा जनसंख्या मन्त्रालयले पछिल्लो चौबिस घण्टामा देशभर ५७० जना कोभिडको नयाँ संक्रमित थपिएको जनाएको छ । 

पीसीआर विधिबाट ७ हजार २८ र एन्टीजेन विधिबाट २ हजार ७६१ जना गरी कूल ९ हजार ७८९ जनाको कोभिड परीक्षण गर्दा उक्त संख्यामा संक्रमण पुष्टि भएको हो

---

कोभिड संक्रमणका कारण बितेको चौबिस घण्टामा थप ६ जनाको मृत्यु भएको मन्त्रालयले जनाएको छ । 

सो अवधिमा एक हजार ९९३ जना कोभिड संक्रमित निको भएका छन् । 

हाल देशमा सक्रिय कोभिड संक्रमितको संख्या १६ हजार ६१६ जना रहेको छ ।