थपिए २४० कोभिड-१९ का संक्रमित

काठमाडौँ : पछिल्लो २४ घण्टामा थप २४० जनामा कोभिड-१९ स‌ंक्रमण पुष्टि भएको छ । योसंगै नेपालमा कोभिड  संक्रमितको संख्या २ लाख ६७ हजार ५६ पुगेको छ । 

कोभिडका कारण शनिबार थप ६ जनाको मृत्यु भएको छ । हालसम्म नेपालमा कोभिडबाट मृत्यु हुनेको संख्या  १ हजार ९ सय ५४ पुगेको छ । 

---

शनिबार ४७७ जना कोरोनामुक्त भएका छन् । अहिलेसम्म २ लाख ६१ हजार ४४ जना संक्रमणमुक्त भएका छन् । नेपालमा अहिले चार हजार ५८ जना आइसोलेसनमा छन् भने २३१ जना क्‍वारेन्टाइनमा छन् । नेपालमा हालसम्म बीस लाख ८ हजार ९४४ वटा पीसीआर परिक्षण गरिएको छ ।