थपिए २१३ कोभिड-१९ संक्रमित

काठमाडौँ : नेपालमा पछिल्लो २४ घण्टामा दुई सय १३ जनामा कोभिड-१९ को संक्रमण पुष्टि भएको छ । ३ हजार ७ सय ९१ जनामा पीसीआर परीक्षण गर्दा त्यति संख्यामा संक्रमण देखिएको हो । 

हालसम्म नेपालमा कोभिड संक्रमितको संख्या दुई लाख ७० हजार ५ सय ८८ पुगेको मन्त्रालयले जनाएको छ । हाल ३ हजार २ सय ३ जना सक्रिय संक्रमित छन् ।

---

पछिल्लो २४ घण्टामा कोभिडबाट कुनै पनि संक्रमितको मृत्यु नभएको स्वास्थ्य तथा जनसंख्या मन्त्रालयले जनाएको छ । कोभिडबाट अहिलेसम्म मृत्यु हुनेको २ हजार २० जना रहेको छ । 

मन्त्रालयका अनुसार बिहीबार २ सय ९६ जना संक्रमणमुक्त भएका छन् । योसँगै दुई लाख ६५ हजार ३ सय ६५ जना संक्रमणमुक्त भएका छन् ।