थपिए ५७ जना कोभिड संक्रमित

काठमाडौँ : पछिल्लो २४ घण्टामा मुलुकभर थप ५७ जनामा कोभिड-१९ संक्रमण पुष्टि भएको छ । यो संगै नेपालमा कोरोना संक्रमिको संख्या २ लाख ७२ हजार ६१४ पुगेको स्वास्थ्य तथा जनसंख्या मन्त्रालयले जनाएको छ । 

त्यस्तै शनिबार थप १३३ जना कोभिडमुक्त भएका छन् । हालसम्म नेपालमा २ लाख ६८ हजार ९२९ जनाले कोभिड जितेका छन् । गत २४ घण्टामा कोभिडका कारण कसैको पनि मृत्यु नभएको मन्त्रालयले जनाएको छ । 

---

नेपालमा हालसम्म २ हजार ५४ जनाले कोरोनाका कारण ज्यान गुमाएका छन् । नेपालमाा हाल १६ सय ३१ जना आइसोलेसनमा र ८१ जना क्‍वारेन्टीनमा छन् भने हालसम्म २१ लाख १३ हजार ५४९ वटा पीसीआर परीक्षण गरिएको छ ।