कोभिड-१९ : एकै दिन थपिए ५ हजार ८ जना संक्रमित

काठमाडौं : नेपालमा पछिल्लो २४ घण्टामा पाँच हजार ८ जनामा कोभिड–१९ संक्रमण पुष्टि भएको छ । योसँगै नेपालमा कोभिड-१९ का संक्रमितको संख्या एक लाख पाँच हजार ६ सय ८४ पुगेको छ । 

स्वास्थ्य तथा जनसंख्या मन्त्रालयका प्रवक्ता प्रा.डा. जागेश्वर गौतमका अनुसार अहिले सक्रिय संक्रमितको संख्या ३० हजार ८ सय १८ पुगेको छ । जसअनुसार संस्थागत आइसोलेसनमा १३ हजार ६ सय ५४  जना रहेका छन् भने होम आइसोलेसनमा १७ हजार १ सय ६४ जना छन् । 

---

त्यस्तै २४ घण्टामा १० जनाको मृत्यु भएको छ । योसँगै नेपालमा कोरोनाले मृत्यु हुनेको संख्या ६ सय १४ पुगेको छ ।

त्यस्तै काठमाडौंमा २ हजार १ सय, ललितपुरमा ३६९ र भक्तपुरमा २०३ जनामा संक्रमण पुष्टि भएको हो ।