यू-१९ क्रिकेट टिमलाई पाकिस्तानी राजदूतको सहयोग

काठमाडौँ – नेपालका लागि पाकिस्तानी राजदूत सयद हैदर शाहले नेपाली यू-१९ महिला क्रिकेट टिमलाई १६ सेट क्रिकेट सामाग्री प्रदान गरेका छन् । दुई देशबीचको खेलकुद सम्बन्धलाई विस्तार गर्ने उदेश्यले राजदूत शाहले महिला क्रिकेट टिमलाई क्रिकेट सामाग्री प्रदान गरेको नेपाल क्रिकेट संघ (क्यान) ले जनाएको छ । 

कार्यक्रममा क्यानका अध्यक्ष चतुर बहादुर चन्द, कोषाध्यक्ष रोशन कुमार सिंह, सदस्य दुर्गा राज पाठक र जेनरल म्यानेजर वृतान्त खनालको उपस्थिति रहेको थियो । 

---

नेपालले मलेसियामा हुने यू–१९ महिला विश्वकप एसिया क्षेत्रको छनोटमा सहभागिता जनाउदैछ । अर्को वर्ष दक्षिण अफ्रिकामा पहिलो पटक हुन लागेको यू–१९ विश्वकपका लागि छनोट हुन लागेको हो । 

विश्वकप छनोट मलेसियामा जुन पहिलो साता आयोजना हुदैछ जसमा आयोजक मलेसियासँगै नेपाल, युएई, कतार, चीन, भुटान, म्यानमार र थाईल्यान्डको सहभागिता रहनेछ । 

छनोटको शीर्ष स्थानमा रहने टिमले २०२३ मा दक्षिण अफ्रिकाले आयोजना गर्ने यू-१९ महिला विश्वकप खेल्न पाउनेछ ।