टी-ट्वान्टी सिरिजका लागि अष्ट्रेलियाले भारत भ्रमण गर्ने

काठमाडौँ – अष्ट्रेलियाले टी-ट्वान्टी क्रिकेट सिरिजका लागि भारतको भ्रमण गर्ने भएको छ । अष्ट्रेलियाले सोमबार भारतसहित अन्य देशसँगको क्रिकेट सिरिज सार्वजनिक गरेको हो । 

अष्ट्रेलियाले आईसीसी पुरुष टी-ट्वान्टी विश्वकप अघि भारतको भ्रमण गर्न लागेको हो । तर मिति भने तय भएको छैन । अष्ट्रेलियाले अक्टुबर १६ देखि नोभेम्बर १३ सम्म विश्वकप आयोजना गर्दैछ । 

---

अष्ट्रेलियाले वेस्ट इन्डिज तथा इंग्ल्यान्डविरुद्धको सिरिज पनि आयोजना गर्ने भएको छ । अष्ट्रेलियाले वेस्ट इन्डिजविरुद्ध २ तथा इंग्ल्यान्डविरुद्ध ३ खेलको टी-ट्वान्टी सिरिज खेल्नेछ । 

विश्वकपपछि इंग्ल्यान्डसँग ३ खेलको एकदिवसीय तथा वेस्ट इन्डिज र दक्षिण अफ्रिकाविरुद्ध टेष्ट सिरिज खेल्ने छ ।