अबको लक्ष्य भारतलाई विश्वकप दिलाउनु होः हार्दिक पाण्डया

काठमाडौँ – गुजरात टाइटन्सलाई डेब्यू संस्करणमै इन्डियन प्रिमियर लिग (आईपीएल) को उपाधि दिलाएका भारतीय अलराउण्डर हार्दिक पाण्डयाले अर्को लक्ष्य भनेको भारतलाई आईसीसी पुरुष टी-ट्वान्टी विश्वकपको उपाधि दिलाउनु रहेको बताएका छन् । अष्ट्रेलियाले अक्टुबर १६ देखि नोभेम्बर १३ सम्म विश्वकप आयोजना गर्दैछ ।

गुजरातका लागि पहिलो उपाधि भएपनि पाण्डयाले यस अघि मुम्बई इन्डियन्सबाट चारपटक आईपीएलको उपाधि जितिसकेका छन् । उनले पाँच पटक आईपीएल फाइनल खेल्दा पाँच पटक नै उपाधि जिताउन सफल भएका छन् ।

---

तर आईपीएलपछि उनको ठूलो लक्ष्य भनेको भारतीय टिमलाई विश्वकपको उपाधि दिलाउनु रहेको आईसीसीले उल्लेख गरेको छ । उनले जुनसुकै अवस्थामा पनि भारतलाई विश्वकपको उपाधि दिलाउने बताउँदै यसका लागि जेसुकै गर्न तयार रहेको जनाए ।