वेस्ट इन्डिजका कप्तान सामीलाई पाकिस्तानको सरकारी अवार्ड

काठमाडौँ – वेस्ट इन्डिज क्रिकेट टिमका कप्तान डारेन सामीलाई पाकिस्तानको सितारा-ई-पाकिस्तान अवार्ड प्रदान गरिएको छ । पाकिस्तानमा अन्तर्राष्ट्रिय क्रिकेट पुनः फर्काउन ठूलो भूमिका खेलेको भन्दै सामीलाई पाकिस्तान सरकारले पाकिस्तानकै तेस्रो ठूलो सरकारी अवार्ड प्रदान गरेको हो । 

मे २३ मा सामीलाई उक्त अवार्ड प्रदान गरिने घोषणा गरिएको थियो जुन उनलाई सोमबार प्रदान गरियो । गत डिसेम्बरमा वेस्ट इन्डिजले टी-ट्वान्टी र एकदिवसीय सिरिजका लागि पाकिस्तानको भ्रमण गरेको थियो । वेस्ट इन्डिजले जुनमा पुनः पाकिस्तानको भ्रमण गर्दैछ । सामीले पाकिस्तानको सुपर लिगमा सन् २०१६ तथा २०२० समेत खेलेका थिए । 

---

सन् २००९ मा पाकिस्तान भ्रमणमा रहेका श्रीलंकन टिममाथि आक्रमण भएपछि पाकिस्तानमा लामो समयसम्म विदेशी टिमले भ्रमण स्थगित गरे भने आईसीसीले पनि कुनै आधिकारिक प्रतियोगिता आयोजना गरेको छैन ।