आईसीसी यू-१९ महिला टी-ट्वान्टी विश्वकप छनोट : ८ रन बनाउँदा नेपालको ९ विकेट झर्‍यो

काठमाडौँ – आईसीसी यू-१९ महिला टी-ट्वान्टी विश्वकप एसिया छनोट अन्तर्गत नेपालले दोस्रो खेलमा युएईविरुद्ध खराब ब्याटिङ गरेको छ । मलेसियाको युकेएम-वाईएसडी क्रिकेट ओभलमा टस जितेर पहिले ब्याटिङ गरेको नेपालले ८ रन बनाउदा ९ विकेट गुमाएको छ ।  

नेपालले ४ रन हुँदा ६ विकेट गुमाएको थियो भने ५ रन हुँदा ८ विकेट गुमाएको थियो । स्नेहा महराले सर्वाधिक ३ रन तथा किरण कुमारी कुँवर, अनु कडायत र आश्मा पुलामी मगर समान १-१ रनमा आउट हुँदा रन्जु श्रेष्ठ, अन्जली विश्वकर्मा, साना प्रविण, श्रृष्टी जैशी, कप्तान कृतिका मरासिनी शून्य रनमा आउट भए । 

---

युएईका लागि माहिका गौरले ५ विकेट हात पारिन् । इन्धुजा नन्दाकुमारले ३ विकेट लिइन् ।