काठमाडौँ – आईसीसी यू-१९ महिला टी-ट्वान्टी विश्वकप एसिया छनोटअन्तर्गत नेपालले दोस्रो खेलमा युएईविरुद्ध खराब ब्याटिङ गरेको छ । मलेसियाको युकेएम-वाईएसडी क्रिकेट ओभलमा टस जितेर पहिले ब्याटिङ गरेको नेपालले ८ ओभर १ बलमा अलआउट हुँदै मात्र ८ जोड्यो । 

नेपालले ४ रन हुँदा ६ विकेट गुमाएको थियो भने ५ रन हुँदा ८ तथा ८ रन हुँदा अलआउट भयो । 

---

स्नेहा महराले सर्वाधिक ३ रन तथा किरण कुमारी कुँवर, अनु कडायत र आश्मा पुलामी मगर समान १-१ रनमा आउट हुँदा रन्जु श्रेष्ठ, अलिसा कुमारी यादव, अन्जली विश्वकर्मा, साना प्रविण, श्रृष्टी जैशी, कप्तान कृतिका मरासिनी शून्य रनमा आउट भए । मनिशा राना २ रनमा अविजित रहिन् । 

युएईका लागि माहिका गौरले ५ विकेट हात पारिन् । इन्धुजा नन्दाकुमारले ३ विकेट लिइन् । समाइरा धर्निधरकीले १ विकेट लिइन् ।