न्यूजिल्यान्डका कप्तान केनले दोस्रो टेस्ट गुमाउने

काठमाडौँ – न्यूजिल्यान्ड क्रिकेट टिमका कप्तान केन विलियम्सनले इंग्ल्यान्डविरुद्धको दोस्रो टेस्ट क्रिकेट खेल गुमाउने भएका छन् । घरेलु टोली इंग्ल्यान्ड र न्यूजिल्यान्डबीचको दोस्रो टेस्ट शुक्रबारबाट ट्रेन्ट ब्रिजमा सुरु हुदैछ । 

तर कोभिड पोजेटिभ देखिएपछि केनले दोस्रो टेस्ट खेल गुमाउने भएका हुन् । न्यूजिल्यान्डका मुख्य प्रशिक्षक ग्यारी स्टिडले केनको स्थानमा हमिस रुदरफोर्डलाई स्थान दिइएको बताए । टम लाथमले भने केनको अनुपस्थितिमा कप्तानी गर्नेछन् । 

---

टिमका अन्य सदस्यहरुमा भने कोभिड नदेखिएको बताइएको छ । 

इंग्ल्यान्ड र न्यूजिल्यान्डबीचको पहिलो खेल घरेलु टोली इंग्ल्यान्डले ५ विकेटले जितेको थियो ।