टी-ट्वान्टी वरीयताः दिपेन्द्रलाई अहिलेसम्मकै ठूलो उपलब्धि

काठमाडौँ – नेपाली राष्ट्रिय क्रिकेट टिमका अलराउन्डर दिपेन्द्र सिंह ऐरी आईसीसी टी-ट्वान्टी वरीयताको नवौँ स्थानमा उक्लिएका छन् । दिपेन्द्रको यो अलराउन्डर वरीयतामा अहिलेसम्मकै ठूलो उपलब्धी हो । उनी यस अघि १० औँ स्थानमा रहेका थिए ।

आईसीसीको नयाँ वरीयता अनुसार अलराउन्डरतर्फ उनी एक स्थान माथि उक्लिएका हुन् । टी-ट्वान्टीको ब्याटिङतर्फको वरीयतामा भने उनी ४३ औँ स्थानमा रहेका छन् । ब्याटिङतर्फ नै कुशल भुर्तेल एक स्थानमाथि उक्लदै ३९ औँ स्थानमा पुगेका छन् । आशिफ शेख ९८ औँ स्थानमा छन् ।

---

बलिङतर्फ कप्तान सन्दीप लामिछाने ३९ औँ तथा अविनाश बोहरा एक स्थानमाथि ९० औँ स्थानमा पुगेका छन् ।