एसीसी महिला टी-ट्वान्टीः नेपाल सेमिफाइनलमा

काठमाडौँ –  नेपाल एसीसी महिला टी-ट्वान्टी च्याम्पियनसीपको सेमिफाइनल प्रवेश गरेको छ । मलेसियामा जारी प्रतियोगिताको समूह ‘बी’ अन्तर्गत लगातार तीन खेल जित्दै नेपाल सेमिफाइनलमा प्रवेश गरेको हो । 

अन्तिम चारमा स्थान बनाउँन नेपालले तेस्रो खेलमा बहराइनलाई ८ विकेटले पराजित गरेको हो । ७ ओभरमा झारिएको खेलमा नेपालले पाएको १५ रनको लक्ष्य २ विकेट गुमाएर ३ ओभर ४ बलमा पुरा गर्‍यो । 

---

नेपालका लागि सिता रानामगरले ४ रन जोडिन् । बहराइनका लागि पाथिभरा सेट्टी र भिलसिटा बारबोजाले १-१ विकेट लिए । 

यसअघि टस हारेर पहिले ब्याटिङ गरेको बहराइनले ७ ओभरमा ६ विकेट गुमाएर केवल १४ रन जोडेको थियो । बहराइनलाई सस्तैमा समेट्न कविता कुँवर र सवनम राईले समान २-२ विकेट तथा अस्मिना कर्माचार्यले १ विकेट हात पारे । 

समूह चरण अन्तर्गत यस अघि नेपालले भुटान र कुवेतलाई पराजित गरेको थियो ।