लंका प्रिमियर लिगः सन्दीप डम्बुलाबाट खेल्ने, अन्य विदेशी खेलाडी को-को परे ?

काठमाडौँ - नेपाली राष्ट्रिय क्रिकेट टिमका कप्तान सन्दीप लामिछानेले श्रीलंकाको लंका प्रिमियर लिग (एलपीएल) मा डम्बुला जायन्ट्सबाट खेल्ने भएका छन् । मंगलबार भएको ड्राफ्टबाट लेगस्पिनर लामिछाने ४० हजार डलरमा डम्बुलामा अनुबन्धित भए । सन्दीप विदेशी कोटाको डायमण्ड क्याटेगोरीमा रहेका थिए । 

डम्बुलामा लामिछानेसहित अन्य ५ विदेशी खेलाडी समेत अनुबन्धित भएका छन् । जसमा अष्ट्रेलियाका डी’आर्सी सर्ट र बेन कटिङ, न्युजिल्याण्डका टिम सिफर्ट, पाकिस्तानका हैदर अली तथा वेस्ट इन्डिजका शेल्डन कट्रेल रहेका छन् ।

---

श्रीलंकाको टी-ट्वान्टी र एकदिवसीय टिम कप्तान डासुन शनका डम्बुलाको कप्तान रहेका छन् ।