को हुन् नामिबियाविरुद्ध नेपालका लागि डेब्यु गरेका बसिर अहमद ?

काठमाडौँ – स्कटल्यान्डमा जारी आईसीसी पुरुष क्रिकेट विश्वकप लिग-२ अन्तर्गतको त्रिकोणात्मक एकदिवसीय अन्तर्राष्ट्रियमा नामिबियाविरुद्ध नेपालका लागि बलर बसिर अहमदले डेब्यु गरेका छन् ।

कपिलवस्तुमा जन्मिएका १८ वर्षीय बसिर एकदिवसीयमा नेपालका लागि डेब्यु गर्ने ३३ औँ खेलाडी बनेका छन् । उनी सन्दीप लामिछानेको कप्तानीमा डेब्यु गरेका हुन् । 

---

बसिरले कीर्तिपुरस्थित त्रिवि क्रिकेट मैदानमा गत मे महिनामा जिम्बावे ‘ए’ विरुद्धको एकदिवसीय र टी-ट्वान्टी खेलेका थिए । बसिरले जिम्बावे ‘ए’ विरुद्धको पहिलो टी-ट्वान्टी खेलमै २ विकेट हात पारेका थिए । उनले ब्याटिङ भने गर्न पाएका थिएनन् ।

वर्षाका कारण दोस्रो खेल नभएपनि तेस्रो खेलमा १ विकेट हात पारेका थिए । 

बायाँ हाते स्पिनर बसिरले जिम्बावे ‘ए’ विरुद्धको तेस्रो एकदिवसीय पनि खेले तर उनी बलिङमा विकेट विहिन बन्दा ब्याटिङ गर्ने मौका पाएनन् ।

गत अप्रिलमा भैरहवामा भएको नेपाल प्रो-क्लब च्याम्पियनसीपको उपाधि रुपन्देही-११ ले जित्दा बसिर प्लेयर अफ द सिरिज घोषित भएका थिए । प्रतियोगितामा उनले १ सय १९ रन बनाउनुका साथै १० विकेट समेत लिएका थिए । फाइनलमा रुपन्देहीले मलेसिया-११ लाई पराजित गर्दा उनले सर्वाधिक २ विकेट हात पारेका थिए ।