दिपेन्द्रको अलराउन्डर वरीयतामा पुनः सुधार

काठमाडौँ – नेपाली राष्ट्रिय क्रिकेट टिमका अलराउन्डर दिपेन्द्र सिंह ऐरीको आईसीसी टी-ट्वान्टी वरीयता पुनः सुधार भएको छ । आईसीसीको पछिल्लो वरीयता अनुसार टी-ट्वान्टीको अलराउन्डरतर्फ उनी पुनः नवौँ स्थानमा उक्लिएका हुन् । यस अघि उनी नवौँ स्थानबाट १० औँ स्थानमा झरेका थिए ।

ब्याटिङतर्फ उनी एक स्थानमाथि ४१ औँ स्थानमा उक्लिएका छन् । ब्याटिङतर्फ नै कुशल भुर्तेल ३९ औँ स्थानमा यथावत छन् । आशिफ शेख पनि ९८ औँ स्थानमा रहेका छन् ।

---

बलिङतर्फ कप्तान सन्दीप लामिछाने ३९ औँ तथा अविनाश बोहरा ८९ औँ स्थानमा यथावत छन् ।