‘कोहली उत्कृष्ट ब्याट्सम्यान भएको कुरा पुनः आश्वास्त पार्नु आवश्यक छैन’

काठमाडौँ – भारतीय क्रिकेट टिमका कप्तान रोहित शर्माले विराट कोहली उत्कृष्ट ब्याट्सम्यान भएको कुरा पुनः आश्वस्त पार्नु आवश्यक नरहेको दावी गरेका छन् ।

इंग्ल्यान्डविरुद्धको दोस्रो एकदिवसीय खेलका क्रममा बिहीबार राति १६ रनमै आउट भएका कोहलीको बचाउमा कप्तान शर्मा उत्रिएका हुन् । भारतले उक्त खेल एक सय रनले हार्न पुगेको थियो । 

---

खेलपछिको पत्रकार सम्मेलनका क्रममा शर्माले कोहलीको बारेमा यतिधेरै छलफल किन भइरहेको प्रश्न गर्दै उनले कोहली उत्कृष्ट ब्याट्सम्यान भएको र यसका लागि पुनः आश्वास्त पार्नु आवश्यक नभएको बताए । 

शर्माले कोहलीको स्थान टिममा सुरक्षित रहेको समेत बताएको द हिन्दुले उल्लेख गरेको छ ।