आईसीसीले पर्याप्त खेलको व्यवस्था गरेनः आयरल्यान्डका कप्तान बालबिर्नी

काठमाडौँ – आयरल्यान्ड क्रिकेट टिमका कप्तान एन्डी बालबिर्नीले इन्टरनेसनल क्रिकेट काउन्सिल (आईसीसी) ले आयरल्यान्डका लागि पर्याप्त अन्तर्राष्ट्रिय खेलका लागि तालिका नमिलाएको गुनासो गरेका छन् ।

बालबिर्नीले आईसीसीसँग आयरल्यान्डका लागि पर्याप्त अन्तर्राष्ट्रिय खेलको तालिका उपलब्ध गराउनुपर्ने माग समेत गरेको आईएएनएसले जनाएको छ ।

---

उनले भारतसँग केवल २ वटा टी-ट्वान्टी अन्तर्राष्ट्रिय तथा न्यूजिल्यान्डसँग ३ खेलको एकदिवसीय अन्तर्राष्ट्रिय खेलको व्यवस्था मिलाउनु पर्याप्त नभएको गुनासो गरे ।

आयरल्यान्डले शुक्रबार न्यूजिल्यान्डविरुद्धको तेस्रो एकदिवसीय खेलमा उत्कृष्ट प्रदर्शन गरेको थियो । उसका पउल स्टिरलिङले १ सय २० तथा ह्यारी टेक्टरले १ सय ८ रन जोडेका थिए तर ३ सय ६० रनको लक्ष्य पछ्याउँदा केवल १ रनले पछि परेको थियो ।

बालबिर्नीले वर्षभरीमा आयारल्यान्डले थोरै संख्यामा मात्र खेल खेल्न पाएको गुनासो गरे । उनले राम्रा टिमहरुसँग नियमित खेल्न पाउनुपर्ने धारणा राखे ।