नेपालको एकदिवसीय वरीयता यथावत

काठमाडौँ – आईसीसी एकदिवसीय टिम वरीयतामा नेपालको स्थान यथावत रहेको छ । आईसीसीले सोमबार सार्वजनिक गरेको वरीयता अनुसार नेपाल १९ औँ स्थानमा यथावत रहेको छ ।

वरीयतामा नेपालभन्दा पछाडी केवल पपुवा न्यूगिनीमात्र रहेको छ । न्यूजिल्यान्ड शीर्ष तथा इंग्ल्यान्ड दोस्रो र भारत तेस्रो स्थानमा रहेका छन् ।

---

एकदिवसीय ब्याटिङतर्फ रोहित कुमार पौडेल मात्र रहेका छन् । उनी ८२ औँ स्थानमा छन् । बलिङतर्फ भने कप्तान सन्दीप लामिछाने ३९ औँ तथा करण केसी ९४ औँ स्थानमा रहेका छन् ।

टी-ट्वान्टीतर्फ नेपाल १३ औँ स्थानमा यथावत छ । शीर्ष ३ मा भारत, इंग्ल्यान्ड र पाकिस्तान रहेका छन् ।

ब्याटिङतर्फ कुशल भुर्तेल ३९ औँ, दिपेन्द्र सिंह ऐरी ४१ औँ तथा आशिफ शेख ९८ औँ स्थानमा छन् । बलिङतर्फ सन्दीप लामिछाने ३९ औँ तथा अविनाश बोहरा ८९ औँ स्थानमा छन् ।

अलराउन्डरतर्फ दिपेन्द्र सिंह ऐरी नवौँ स्थानमा छन् ।