नेपाल टी-ट्वान्टी लिगका ४ टिमको नाम सार्वजनिक

काठमाडौँ – नेपाल क्रिकेट संघ (क्यान) ले नेपाल टी-ट्वान्टी लिग खेल्ने ६ टोलीमध्ये ४ टोलीको नाम सार्वजनिक गरेको छ । क्यानले सोमबार ४ टिमको नाम सार्वजनिक गरेको हो । 

जसमा कान्तिपुर क्यापिटल, लुम्बिनी अल स्टार्स, विराटनगर सुपर किंग्स र जनकपुर रोयल्स रहेका छन् । कान्तिपुरको टिम मालिकमा महेश्वर स्वार, लुम्बिनीको संजय शर्मा, विराटनगरको बिक्रम यादव र जनकपुरको टिम मालिकमा गौरी शंकर धामानी रहेका छन् ।

---

बाँकी दुई टिमको नाम केही दिनमा सार्वजिनक गरिने क्यानका कार्यवाहक सचिव प्रशान्त विक्रम मल्लले जानकारी गराए । दुई टिमका मालिक नआएका कारण उनीहरुको नाम सार्वजनिक नगरिएको हो । 

क्यानले आगामी असोज ८ देखि कात्तिक ५ गतेसम्म लिग सञ्चालन गर्दैछ ।